JAMII YANGU

WALIMU 32 KUPATIWA MAFUNZO YA UWALIMU WA MPIRA WA MIGUU MTWARA

Kondo Muhamed

Baraka Jamali Mtwara

Walimu32 wa shule za  sekondari mkoani Mtwara wanatarajia kupata mafunzo ya uwalimu wa mpira wa miguu ngazi ya awali ili waweze kuwafundisha wanafunzi katika shule  wanazofundisha.

Mwenyekiti wa chama cha makocha (TAFCA) Mtwara, Kondo Muhamed amesema kuwa kozi hiyo inatarajiwa kutolewa na mkufunzi anae tambulika na TFF, wa kanda ya kusini mashariki ya Tanzania, mikoa ya Lindi na Mtwara Hamim Mawazo.

Aidha amesema lkuwa kozi hiyo inatarajiwa kutolewa kwa walimu  kutoka kila wilaya ya mkoa wa mtwara ili kuweza kuinua kiwango cha soka mkoani hapa kwa kukuza vipaji vya vijana wadogo wanadogo wa mkoa wa Mtwara.

“Watanzania kamatunataka kuinua kiwango cha soka ni lazima tuwafundishe walimu wa shule za msingi na sekondari, ndiko vipaji vya vijana vinaonekana na walimu inatakiwa wawe tayari kujitolea kuwasaidia vijana hawa ili waweze kulitumikia taifa lao” alisema mwenyekiti huyo ambae pia alikuwa mchezaji wa timu ya bandari ya Mtwara.

Pia aliongeza kuwa kozi hiyo inatarajiwa kuaza kutolewa siku ya tar 13 Septemba mwaka huu, kwa usajili na wataanza kupewa mafunzo ya darasani na vitendo septemba 14, ambapo yatatolewa katika shule ya sekondari sabasaba mkoani hapa pia walimu hao watajilipia ada ya ushiriki ambayo ni sh 30,000.

Kwa upande wake mratibu wa michezo manispaa ya Mtwara mikindani pia ni mratibu wa kozi hiyo Said Kaminya, amesema kuwa walimu mkoani Mtwara ni lazima wapatiwe mafunzo mbalimbali ya michezo ili kuweza kuuletea sifa mkoa wa Mtwara kwani kwa muda mrefu sasa hakukuwepo na tinu ya mpira wa miguu inayo shiriki ligi kuu, kabla ya timu ya ndanda kupanda daraja mwaka huu.

“Kama tunania ya dhati ya kutaka kuendeleza michezo katika mkoa wetu juhudi binafsi zinahitajika ili kuweza kuuweka mkoa katika chati kitaifa, tumekaa muda mrefu hakukupe hata timu muja inayo shiriki Ligi kuu kabla ya timu ya ndanda kupanda daraja msimu huu” alisema Bw Kaminya.

Pia mkufunzi anaetarajiwa kuendesha kozi hiyo Bwana Hamimu Mawazo akiongea kwa njia ya simu kutoka jijini Dar es Salaam, amesema kuwa amefurahishwa na walimu hao kwa kuona umuhimu wa kupewa mafunzo hayo ya ngazi ya awali, kwani itasaidia kuibua vipaji katika shule zao.

“Ni kweli kuna walimu 32 nitawapatia mafunzo na ninawapongeza walimu hao kwa kuona umuhimu wa kupata mafunzo ya ngazi ya awali kwani itawasaidia kuibua vipaji vyao katika shule zao wanazo fundisha” alisema Mawazo ambae pia ana leseni ya  mpira wa miguu CAF class B.

Ikumbukwe ya kwamba 26 Mei-Juni 04, walimu 18 wanao fundisha timu za ligi daraja la nne mjini hapa walipatiwa mafunzo kama hayo na kozi hiyo ikiongozwa na mkufunzi huyo Bwana Hamimu Mawazo.